Step 1

గోధుమల్ని నీటిలో రాత్రంతా నాన పెట్టుకోవాలి.

Step 2

నాన పెట్టుకున్న గోధుమలను మరుసటి రోజు ఉదయం నీటిని ఒంపువేసి గోధుమల్ని బాగా రుబ్బుకోవాలి.

Step 3

రుబ్బుకున్న గోధుమ పిండిలో రెండు కప్పుల నీళ్ళు పోసి పాల రూపంలో వెలికి తీయాలి.

Step 4

ఈ విధంగా రెండు నుంచి మూడు సార్లు ఒక కప్పు నీళ్లు వేసి గ్రెండ్ చేసి దాంట్లో ఉన్న పాలను తీయాలి. గోధుమ పేస్టు పూర్తిగా పిప్పి పిప్పి అయ్యేంత వరకు చేస్తూ ఉండాలి.

Step 5

ఈ ద్రవాన్ని రెండు నుంచి మూడు గంటల వరకు ఒక పాత్రలో వేసి అలాగే ఉంచితే, అదనపు నీరు పైకి తేలుతుంది. తేలిన నీటిని బయటికి జాగ్రత్తగా ఒంపేయాలి.

Step 6

పాలు కొలచి అదే కొలతతో పంచదార తీసుకోవాలి. ఈ మిశ్రమాన్ని సన్నని సైగపై మిఠాయిరంగు కూడా వేసి కాయాలి. మధ్య మధ్యలో నెయ్యిని పోస్తూ కలుపుతూ ఉండాలి.

Step 7

ఈ తయారు చేసుకున్న మిశ్రమాన్ని బాగా చిక్కబడి ముకుడికి అంటుకోకుండా ఉండేంత వరకు ఉంచి పొయ్యి కట్టేయాలి.

Step 8

చిన్న చిన్న ముక్కలుగా జీడిపప్పుని కోసుకొని దానిలో యాలకుల పొడి కలుపుకొని దాంట్లో నెయ్యి వేసుకొని వేయించుకోవాలి.

Step 9

ఓ పాత్రకు నూనె రాసి హల్వాను పరిచి చిన్న ముక్కలుగా కట్ చేసుకోవాలి.